STAFF'S NOTES

選膠困難症
Katie, 01-04-2018

以往我一直用開 SpinFit 耳膠,近期新入手咗日本品牌 Final Audio 出嘅 Type E 耳膠試下。

先講下兩款耳膠嘅共通點,兩款耳膠同樣地於末端位置可「360 度旋轉」,當然唔係指緊溜冰花式轉體,而係哩種設計係可以比普通耳膠更貼位耳道,因為每個人嘅耳道都係有唔同,有啲較直較闊、有啲較曲較細、有啲外闊內很細,而哩種設計正正係能夠改善不貼伏嘅問題。

SpinFit 物料上嘅優點係好柔軟,戴咗之後都唔會覺得 “un 住 un 住”;而 Final Audio Type E 物料採用雙重物料,導管位置使用較硬及帶凹槽嘅矽膠,耳塞位置使用較軟身嘅矽膠,「軟.硬」兼施令聲音還原度更好,低音更有層次感,高音也沒有刺耳嘅感覺。

Size 都分得好仔細,由 SS 至 LL 都有,顏色有:透明、白色、黑色、啡色、紫藍色 (個別 Size 有不同);如果你係用緊粗導管耳機嘅,買返 pack 試下啦~絕對推薦的!