STAFF'S NOTES

新入門平板耳機
Hin, 01-06-2018

早前 FOSTEX 推出咗 T50rpmk3 嘅後續型號 T60RP,基本外型同 T50rpmk3 係一樣,但外殼就用上桃花心木,令聲音變得更加自然通透,細節同動態都比上一代好。單元方面都係同上代一樣嘅 RP 系統單元,而 RP 系統單元係一個用咗 6 條長方形嘅強力釹磁用相反嘅極性將振膜夾喺中間,依個做法可以令磁力嘅分佈變得更平均同埋有力,而單元線路除咗喺振膜上面走蛇型之外,放大佢嚟睇仲會有鋸齒型嘅蛇型紋路係表面,依種設計可以令到中高頻段嘅訊息量增加,令人聲同高音樂器更加通透。耳機方面就用左可換線嘅設計,而且內部接線係平衡設計,除咗原廠推出嘅 3 條平衡線之外,用家可以根據自己嘅喜好去更換線才改變音色。