STAFF'S NOTES

小更新?大進化!
Hin, 01-10-2018

每年一度索尼都會出下入門機仔,今年都一樣出咗部 NW-A50 系列。而 A 系列回到 10 再開始計算 (編按:A 系元祖 NW-A3000 係 05 年嘅事),不知不覺也迎來第五個年頭,即係已經出咗 5 代啦 yeah。每兩年轉下樣就一定㗎啦,依樣大家都有相睇咁唔多講,機身今次鋁制外框,電路板亦轉用鍍金電路板,而銲錫更用上無鉛含金,淨係上面講個堆都好吸引,但聲方面真係大家都估佢唔到,推力比上幾代有明顯改善,音壓無明顯嘅增強但豐滿咗,而且性能直迫黑磚嘅 4.4mm 輸出。

聲音方面人聲稍後但細節仍然保留到,整體比較 Flat 但微動態嘅處理好 Smooth,聲底真係好近似黑磚但音場都係比較窄身,只不過空間立體感反而比黑磚強,而處理較為複雜嘅歌曲時整體聲音上嘅處理都比較好,全部樂器都井井有條,唯一嘅可惜係聽 Pop 真係好一般,整體而言今次依部 NW-A50 真係好大改進,有見及此如果下年 Sony 出新嘅旗艦應該會將聲音嘅演繹推向另一個層次。